uf m weg

en esel tregt
den in die stadt
wu kumme isch em
wort es wort
se rede un
wie en bauersmonn
die soot die wohret
aussesträäe

er wääss
fer was er kumme isch
wääss
fer was er gehe muss
un wääss:

dass so wie
geschtern
heit &
morje
wern se do
kreische wie
s gewiddel:
hurra
hoch &
heil
doch speeter: kaum paar
stunne
dage
johr
do:
hot kääns
uf de gasse gstonne
hot kääns
blummestraissle gschmisse
hot kääns
ebbes was gewisst & gsähne
ausser:
dass ääm die gonz sach
jo nie gonz koscher isch gewest
un
zu
fäl
lisch
om stroosse
rond
hot
mer
misse misse
um
net
uf
se
fal
le
awwer innewennisch: so gonz
dief innedrin: imläwenie
imm läääwe ni:

bloss:

wonn s onnerscht
kumme wär
donn wär mer
:gott
sei
dank:
aa debei gewest
hät immer
schun gewisst


Der Text wurde entnommen aus:

uf m weg
Bruno Hain: uf m weg. die passion in pälzer mundartgedichte

neckarsteinach: edition tintenfaß 2007
isbn 978-3-937467-32-0, 10,- Euro

 

Zu erwerben ist dieses Werk im Buchhandel oder direkt bei edition tintenfaß

Das Buch wurde 2007 beim Mundartdichterwettstreit Bockenheim mit dem Dr.-Wilhelm-Dautermann-Preis ausgezeichnet.

Pfalz Migration

Pfalz Volkskunde

Heimat-Pfalz.de benutzt Cookies, um seinen Lesern das beste Webseiten-Erlebnis zu ermöglichen. Außerdem werden teilweise auch Cookies von Diensten Dritter gesetzt. Weiterführende Informationen erhalten Sie in der Datenschutzerklärung von Heimat-Pfalz.de.